គន្លឹះចម្អិនអាហារ សម្រាប់អ្នកជំងឺមហារីក

ការទទួលទានអាហារ បានត្រឹមត្រូវ ក្នុងកំឡុងពេល មុន , ក្នុង និងក្រោយពេល ព្យាបាលជំងឺមហារីក គឺជាវិធីមួយ ជួយដល់អ្នកជំងឺ បន្ថយបាននូវឥទ្ធិពលបន្ទាប់បន្សំ របស់វិធីព្យាបាល , និងជួយឲ្យមានសុខភាពមាំមួន ។

ការរៀបចំចំណីអាហារ គឺជារឿងដ៏សំខាន់បំផុត សម្រាប់ជួយដល់ អ្នកមានជំងឺមហារីក បំពេញបន្ថែម គ្រប់គ្រាន់សារជាតិ ជីវជាតិ មានកម្លាំងប្រឆាំងទប់ទល់ជំងឺ ។ អ្នកជំងឺជាច្រើន មិនអាចទទួលយក វិធីព្យាបាលបានគ្រប់គ្រាន់ ដោយសារសុខភាព ទ្រុឌទ្រោមខ្លាំង ។ រឿងនេះ មានឥទ្ធិពលធំធេង ដល់ប្រសិទ្ធភាពព្យាបាល និងធ្វើឲ្យថយចុះ ពេលវេលានៅរស់ របស់អ្នកជំងឺ ។

តាមស្ថិតិមួយ បានបង្ហាញថា តួលេខ ៣០ ភាគរយ នៃអ្នកជំងឺមហារីក ស្លាប់ដោយសារបាក់កម្លាំង មុនពេលស្លាប់ ដោយសារដុំគីសមហារីក, មួយផ្នែកណានេះ បង្ហាញពីឥទ្ធិពលអាក្រក់ របស់ស្ថានភាពស្រកទម្ងន់, ទ្រុឌទ្រោមសុខភាព ។ ដូច្នេះហើយ ការរៀបចំរបបជីវជាតិ មួយត្រឹមត្រូវ ជាប្រការចាំបាច់បំផុត សម្រាប់អ្នកជំងឺមហារីក ។

* បង្កើនថាមពលក្នុងអាហារៈ

ក្រៅពីកែច្នៃ ត្រូវបង្កើនថាមពល , ប្រូតេអ៊ីន និងសារជាតិជីវជាតិ ក្នុងអាហារ សម្រាប់អ្នកជំងឺ ដោយវិធីប្រើប្រាស់ ពពួកប្រេងមិនឆ្អែត (ដូចជា ប្រេងអូលីវ , ប្រេងគ្រាប់ស្ពៃ , ប្រេងកន្ទក់អង្ករ , និងប៊័ររុក្ខជាតិ) , ទឹកដោះគោ , ហ្វ្រូម៉ា , ទឹកសណ្តែក , តៅហ៊ូ និងស៊ុត ។

* ចៀសវាងរបស់ឆៅៈ

ដំណើរការព្យាបាល ដោយកាំរស្មី និងគីមី អាចធ្វើឲ្យថយចុះ មុខងារអង្គបដិបក្ខ របស់អ្នកជំងឺ , ធ្វើឲ្យអ្នកជំងឺ ងាយឆ្លងបាក់តេរី ជាច្រើន ពីបរិស្ថាន ដែលអ្នកមានសុខភាពល្អ ចៀសបាន ។ ពិសេស អ្នកជំងឺថយចុះ បរិមាណឈាមសមាន ហានិភ័យកើនជំងឺឆ្លងមេរោគ ។ អាស្រ័យហេតុនេះ គេគួរទទួលទានអាហារ ចំអិនឆ្អិនទាំងស្រុង ។ អ្នកចម្អិន មិនត្រូវបន្ថែមបន្លែ តុបតែងដូចជា ស្លឹកខ្ទឹម ឬជីរ ទៅក្នុងអាហារ របស់ជំងឺ ។

* បង្កើនអាហារស្រួលទំពាលេបៈ

អ្នកជំងឺព្យាបាល ដោយកាំរស្មីតំបន់ក្បាល និង ក តែងត្រូវដំបៅមាត់ និងឈឺ ក ។ អាស្រ័យហេតុនេះ , អ្នកចម្អិន គួរជ្រើសរើសអាហារ លាងមាត់ទន់ៗ ដូចជា នំ pudding , ការ៉េម , ទឹកដោះគោ…. ។ អាហារសំខាន់របស់អ្នកជំងឺ អាចជាអាហារទន់ ដូចជា បបរជាមួយសាច់ចិញ្ច្រាំ ស៊ុប , មី…. ។

* ប្រើប្រាស់គ្រឿងទេសច្រើនៈ

អ្នកជំងឺមួយចំនួន ឆ្លងកាត់ការព្យាបាល ដោយគីមី , កាំរស្មី អាចរំញោចជាង ជាមួយក្លិនអាហារ នាំឲ្យងាយក្អួតចង្អោរ ។ អ្នកផ្ទះ ក៏អាចបន្ថែមក្រូចឆ្មារ ស្លឹកជីរត្រចៀកដំរី ទៅក្នុងអាហារឆ្អាប ដើម្បីកម្ចាត់ក្លិនពិបាកទ្រាំ ។ ចំពោះអាហារគ្មានក្លិន ចុងភៅ គួរបន្ថែមគ្រឿងទេស ដើម្បីបង្កើនក្លិន រំញោចភាពឃ្លានរបស់អ្នកជំងឺ ។ គ្រឿងទេសគួរប្រើប្រាស់គឺ ខ្ទឹមស , ម្រេច , សំបកក្រូច , ទេព្វិរូ… ។

* ទទួលទានតិច តែច្រើនពេល ក្នុង១ថ្ងៃៈ

ពួកជំនាញការ ទូន្មានដល់អ្នកជំងឺមហារីកថា គួរទទួលទានតិចល្មម តែច្រើនដង ក្នុង១ថ្ងៃ ប្រសិនគេមានអារម្មណ៍ ធុញអាហារ ។

* ចៀសវាងទឹកក្តៅពេក ឬ ត្រជាក់ពេកៈ

អ្នកជំងឺដំបៅមាត់ គួរចៀសវាងអាហារ និងភេសជ្ជៈក្តៅពេក ឬត្រជាក់ពេក ព្រោះអាចធ្វើឲ្យរបួសមាត់ ច្រើនជាង ។

* ប្រើរបស់ពុំមែនលោហធាតុៈ

សឹងតែទាំងអស់ នៃមនុស្សមានសុខភាពល្អធម្មតា មិនដឹងពីភាពខុសប្លែកគ្នា ។ តែអ្នកជំងឺមហារីក អាចរំញោចជាង ចំពោះក្លិនលោហធាតុ ព្រោះវាធ្វើឲ្យប្រែប្រួល ជីវ្ហាវិញ្ញាណរបស់អ្នកជំងឺ ។ ដូច្នេះ អ្នកផ្ទះ គួរប្រើរបស់ដាក់អាហារ ធ្វើពីព័រសឺឡែន , គ្រីស្គាល់ ឬ ជ័រជំនួសលោហធាតុ ៕