កម្ចាត់បញ្ហាស្បែកស្ងួតសំរាប់រដូវរងារជាមួយនឹងដំណោះស្រាយទាំងនេះ

ក្នុងរដូវរងាស្បែកបុរសនារីគ្រប់រូប តែងតែប្រឈមនឹងភាពស្ងួត តឹង ជ្រីវជ្រួញ បែកស្រកា រមាស់ ស្រគាំ និងងាយឆ្លងជំងឺជាងរដូវផ្សេងៗ ដែលបណ្ដាលមកពីខ្វះសំណើម។

ទាំងបុរស និងនារីឲ្យតែដល់រដូវត្រជាក់ស្ងួតនេះ ម្នាក់ៗតែងតែមានការព្រួយបារម្ភពីសុខភាពស្បែកនូវអាការៈខាងលើ ដោយបង្ខំឲ្យពួកគេស្វះស្វែងរកឡេ ក្រេម ឬម្សៅនានាដើម្បីការពារ។ បើលោកអ្នកមិនចង់ចំណាយថវិកាលើគ្រឿងទាំងនេះទេ អាចប្រើវិធីសាមញ្ញៗខាងក្រោម ដែលត្រូវគេមើលឃើញថាមានប្រសិទ្ធភាពសម្រាប់ស្បែក៖

១. ល្ហុងទុំបិតមុខ

លោកអ្នកគ្រាន់តែចិតល្ហុងទុំជាចំណិតៗមួយកូនចានដោយយកគ្រាប់ចេញ ទៅលាយជាមួយចេកទុំមួយផ្លែ រួមនឹងទឹកឃ្មុំ២ស្លាបព្រាបាយ ច្របល់ចូលគ្នា រួចយកមកលាបផ្ទៃមុខ ឬស្បែកជាការស្រេច។ គុណប្រយោជន៍របស់វា គឺផ្លែឈើទាំងពីរប៉ូវស្បែកកុំឲ្យជ្រីវជ្រួញ ឯទឹកឃ្មុំផ្ដល់សំណើមស្បែកក្រោយលាប វានឹងធ្វើឲ្យស្បែកតឹង ស្រស់ថ្លា និងក្មេងជាងវ័យ។

២. ស៊ុតលឿង និងប្រេងអូលីវ ធ្វើម៉ាស់បិតមុខ

គ្រាន់តែយកស៊ុតផ្នែកលឿង ២គ្រាប់ និងប្រេងអូលីវ ៣ទៅ៤ដំណក់ លាយចូលគ្នាហើយលាបលើស្បែកទុក ២០នាទី រួចលាងទឹកចេញ។ ប្រេងអូលីវសម្បូរទៅដោយសារធាតុប្រឆាំងអុកស៊ីតកម្ម វីតាមីន E និង K ឯស៊ុតលឿងផ្ទុកវីតាមីន A និង lecithins អាចបំប៉នស្បែក និងព្យាបាលស្បែកកុំឲ្យស្ងួតយ៉ាងមានប្រសិទ្ធភាព។ បើគេប្រើល្បាយនេះជាម៉ាស់លាបមុខក្នុងរដូវរងា នោះគេនឹងបានស្បែកភ្លឺរលោងជាទីពេញចិត្ត។

៣. ប្រេងដូង

ប្រើប្រេងដូងតែមួយមុខលាបលើស្បែក និងម៉ាស្សាថ្នមៗ រហូតវាជ្រាបចូលស្បែក នោះវានឹងជួយឲ្យស្បែកទន់ ផ្ដល់សំណើមតាមបែបធម្មជាតិ។ នារដូវរងា អ្នកជំនាញផ្ដល់ដំបូន្មានឲ្យលាបពេលយប់មុនចូលគេង។

៤. ក្រូចឆ្មា និងទឹកឃ្មុំ

ចិតក្រូចឆ្មាជា ២ចំណែក ច្របាច់ចូលជាមួយទឹកឃ្មុំ ២ស្លាបព្រា រួចយកដុំសាឡីជ្រលក់ទៅលាបលើស្បែកទុក ១០នាទី សឹមយកទឹកលាងសម្អាត។ ក្រូចឆ្មាមានផ្ទុកវីតាមីន C ឯទឹកឃ្មុំប្រឆាំងនឹងការរលាក ពេលប្រើរួមគ្នានោះវានឹងជួយកម្ចាត់កមរមាស់កើតមានលើស្បែកយ៉ាងប្រសើរ។

៥. ប្រេងផ្កាឈូករ័ត្ន

យកតែពីរបីដំណក់ លាបលើស្បែកម៉ាស្សាថ្នមៗជាមួយម្រាមដៃ ឲ្យប្រេងជ្រាបចូលស្បែកដោយមិនចាំបាច់លាងសម្អាតទេ។ ប្រេងផ្កាឈូករ័ត្ន ត្រូវគេដឹងថាជាអ្នកជំនាញស្បែកស្ងួត និងផ្ទុកវីតាមីនច្រើនប្រភេទ និងអាស៊ីដខ្លាញ់ ដែលវានឹងជួយឲ្យស្បែកក្មេងជាងវ័យ ថែមទាំងផ្ដល់សំណើម។ វិធីនេះលោកអ្នកអាចសាកល្បងមុនចូលគេង។

៦. ចេកទុំ

យកចេកទុំ ១ ឬ២ផ្លែ លាយជាមួយទឹកឃ្មុំ រួចលាបលើផ្ទៃមុខទុករយៈពេល ១៥ ទៅ២០នាទី សឹមលាងទឹកចេញ។ គុណប្រយោជន៍របស់វា គឺបំប៉នឲ្យស្បែករលោង កម្ចាត់ចោលភាពជ្រីវជ្រួញ និងផ្ដល់សំណើមជាមួយវីតាមីន C, B6 និង A ៕

ប្រភព៖ Stylecraze

 

វិធី​ងាយៗ​១០​យ៉ាង​ សម្រាប់​អ្នក​ចង់​ឲ្យ​ប្រអប់​ដៃ​ទន់​ស្រឡូន

សម្រាប់សុភាពនារី ជាពិសេសអ្នកដែលធ្វើកិច្ចការងារផ្ទះច្រើន តែងប្រាថ្នាចង់ឲ្យប្រអប់ដៃខ្លួនទន់ស្រឡូនស្អាត និងមានភាពទាក់ទាញ។ តើគួរធ្វើយ៉ាងណាដើម្បីបានដូចបំណង? សូមសាកល្បងវិធីសាស្ត្រសាមញ្ញ ងាយៗ ១០យ៉ាងនេះ៖

១. ឧស្សាហ៍លាងដៃ

ការលាងដៃជាញឹកញាប់មិនត្រឹមតែជួយឲ្យដៃអ្នកស្អាតប៉ុណ្ណោះទេ ថែមទាំងបង្ការអ្នកពីមេរោគបង្កជំងឺផ្សេងៗផងដែរ ហើយគប្បីលាងដៃអ្នកជាមួយទឹកក្ដៅឧណ្ហ៍ៗជាជាងទឹកក្ដៅ ឬទឹកត្រជាក់ពេកដែលនាំឲ្យខូចស្បែកទៅវិញ។

២. ជ្រើសរើសសាប៊ូអោយបានត្រឹមត្រូវ

ជ្រើសរើសប្រើប្រាស់សាប៊ូសម្រាប់លាងដៃដែលមានជាតិគីមីស្រាល ផ្សំពីជ័រតែធម្មជាតិ ឬក្លិនឈើដែលសក្ដិសមសម្រាប់សម្អាតដៃ។

៣. ប្រើឡេលាបផ្ដល់សំណើមដល់ស្បែកដៃ

បន្ទាប់ពីងូតទឹករួច អ្នកអាចប្រើប្រាស់ឡេលាបដែលជួយរក្សាសំណើម និងធ្វើឲ្យស្បែកដៃមានភាពស្រស់ស្អាត។ គប្បីប្រើឡេលាបដែលសក្ដិសមនឹងស្បែកអ្នក។

៤. បញ្ចប់ទម្លាប់ខាំក្រចកដៃ

គួរចៀសវាងទម្លាប់ខាំក្រចកដៃដែលវាក៏ជាបញ្ហាចម្បងដែលបណ្ដាលឲ្យប្រអប់ដៃខូច និងធ្វើឲ្យក្រចកដៃអ្នកក្រហម និងក្រហាយ។

៥. ប្រើប្រេងធម្មជាតិ ឬទឹកឃ្មុំ

ទឹកឃ្មុំមានសមាសធាតុប្រឆាំងមេរោគដែលជួយសម្អាតដៃបានស្អាត។ អ្នកអាចប្រើទឹកឃ្មុំ ម្ដងក្នុងមួយសប្ដាហ៍ លាបថ្នមៗលើដៃ ទុកចោលរយៈពេល ៥ទៅ១០នាទីរួចលាងជម្រះនឹងទឹកក្ដៅឧណ្ណៗ ធ្វើបែបនេះជួយឲ្យស្បែកដៃអ្នកទន់ និងស្រស់ស្អាត។ ម៉្យាងវិញទៀតអ្នកអាចប្រើប្រេងអូលីវមកត្រាំដៃរយៈពេល៥នាទី ដែលវាអាចជួយឲ្យដៃ និងក្រចករបស់អ្នកស្អាត និងមានសំណើម។

៦. ថែទាំស្បែកគល់ក្រចកដៃ

បន្ទាប់ពីងូតទឹករួចអ្នកគួរជូតសម្អាតដៃជាមួយកន្សែងដៃ និងប្រើឡេលាបស្បែកគល់ក្រចកជំនួសឲ្យការកាត់ស្បែកគល់ក្រចកនេះដែលធ្វើឲ្យអ្នកឆ្លងមេរោគ និងធ្វើឲ្យអាក្រក់មើល។

៧. សំអាតប្រអប់ដៃ

សម្រាប់អ្នកចង់ឲ្យស្បែកដៃអ្នកភ្លឺរលោងបន្ថែម អ្នកអាចយកក្រូចឆ្មារយកមកត្រដុសនឹងស្បែកដៃ ដែលនេះជួយបំបាត់ស្នាម និងធ្វើឲ្យស្បែកដៃទន់ ភ្លឺរលោង។

៨. ប្រើប្រេងចាហួយ

អ្នកអាចខាត់ក្រចកដៃឲ្យរលោងដោយលាបប្រេងចាហួយជុំវិញក្រចកដៃ ម៉្យាងទៀតលាបដៃអ្នកនៅមុនពេលចូលគេងដោយពាក់ស្រោមដៃពីលើដែលវាជួយឲ្យប្រអប់ដៃកាន់តែទន់រលោង។

៩. ជៀសវាងទឹកលាងថ្នាំក្រចក

ការប្រើប្រាស់ទឹកថ្នាំលាងក្រចកដែលមានសារជាតិទឹកខ្មេះដើម្បីលាងទឹកថ្នាំក្រចក អាចបណ្ដាលឲ្យក្រចកអ្នកប្រេះបាន។

១០. ប្រើឡេលាបការពារស្បែកដៃពីកម្ដៅថ្ងៃ

ឡេលាបការពារស្បែកដៃពីកម្ដៅថ្ងៃ អាចការពារ និងជួយកាត់បន្ថយភាពចាស់នៃស្បែកដៃរបស់អ្នកបានមួយកម្រិតផងដែរ៕

ប្រភព៖ sabay

ចង់​ឲ្យ​កូន​ឆ្លាត ស្ត្រី​​​ពពោះ​​គួរ​ធ្វើរឿង៧​​យ៉ាង​នេះ

ការមានផ្ទៃពោះ គឺជាពេលវេលាដ៏សំខាន់មួយសម្រាប់ម្ដាយគ្រប់រូបត្រូវផ្ដល់កំណើត ផ្ដល់រាងកាយមាំមួន ខួរក្បាលវ័យឆ្លាតដល់កូនៗ។ ការបរិភោគចំណីអាហារ និងសកម្មភាពប្រចាំថ្ងៃ ជាចំណែកមួយចូលរួមផ្ដល់ភាពវ័យឆ្លាតដល់ក្មេងដែរ បន្ទាប់ពីហ្សែនមានស្រាប់។ តាមរយៈការសិក្សារបស់អ្នកជំនាញនានា បានរកឃើញថា កត្តាទាំង៧ ខាងក្រោមនេះ បានរួមចំណែកធ្វើឲ្យក្មេងមានភាពវ័យឆ្លាតពេលកើតចេញមក៖

១. អានសៀវភៅ

ទោះបីជាក្មេងមិនអាចយល់ពាក្យម្ដាយអានទាំងនោះក្ដី តែការអានរឿងធ្វើឲ្យក្មេងចេះមានអារម្មណ៍ស្ដាប់សូរសំឡេង ហើយក្មេងឆាប់ចាំ។ ជាទូទៅអ្នកគួរដឹងថា នៅត្រីមាសទីបីនៃរយៈពេលពពោះ ទារកអាចស្ដាប់សូរសំឡេង និងចាំបានតិចៗ។ អ្នកម្ដាយត្រូវចាប់ផ្ដើមអានសៀវភៅរឿង កាសែត ឬទស្សនាវដ្ដី ដែលខ្លួនចូលចិត្ត។

២. ឲ្យត្រូវពន្លឺថ្ងៃបានទៀតទាត់

យើងដឹងហើយថា ពន្លឺព្រះអាទិត្យសម្បូរទៅដោយវីតាមីន D ដែលវាមានសារៈសំខាន់ដល់ម្ដាយ និងកូនក្នុងផ្ទៃ។ ជាមធ្យមអ្នកជំនាញណែនាំឲ្យម្ដាយអង្គុយ ឬដេកហាលថ្ងៃឲ្យបានពី ១៥ទៅ២០នាទីរៀងរាល់ថ្ងៃ តែត្រូវប្រយ័ត្នចំពោះស្បែកដែរ គឺមានលាបក្រែមការពារផង។ អត្ថប្រយោជន៍បានមកពីវីតាមីន D របស់ពន្លឺព្រះអាទិត្យ គឺជួយឲ្យឆ្អឹងទារករឹងមាំ និងសុខភាពល្អ។

៣. ម៉ាស្សា ឬអង្អែលថ្នមៗលើពោះ

ប្រសិនបើម្ដាយចង់មានទំនាក់ទំនងជាមួយកូនកាន់តែខ្លាំងបន្ថែមទៀត អ្នកគួរម៉ាស្សា ឬប៉ះស្ទាបពោះថ្មមៗ។ នៅពេលក្មេងមានអាយុចាប់ពី ២០សប្ដាហ៍ឡើងទៅ ក្មេងនឹងអាចចេះមានអារម្មណ៍ពេលប៉ះ ដោយសារប្រព័ន្ធប្រសាទបានវិវឌ្ឍហើយ។ ការស្រាវជ្រាវខ្លះបង្ហាញថា ទារកក្នុងផ្ទៃអាចដឹងពីភាពខុសគ្នារវាងដៃម្ដាយ និងដៃឪពុកពេលស្ទាប។ ពេលម៉ាស្សាទៀតសោត អ្នកគួរប្រើប្រេងឲ្យបានត្រឹមត្រូវ។

៤. ស្ដាប់ ឬច្រៀង ដើម្បីឲ្យទារកមានសុខភាពផ្លូវចិត្តល្អ

នៅពេលអ្នកច្រៀង ស្ដាប់ ឬលេងតន្ត្រី វានឹងធ្វើឲ្យក្មេងអាចផលិតសារធាតុ Serotonin ក្នុងរាងកាយ និងបង្កើតភាពសប្បាយរីករាយរបស់ផ្លូវចិត្ត។

៥. បរិភោគអាហារឲ្យបានត្រឹមត្រូវ

អ្នកអាចទទួលទានអាហារបានគ្រប់ប្រភេទដែលខ្លួនចង់ តែលើកលែងអាហារមានជាតិបារត ដែលជាប្រភេទត្រីសមុទ្រដូចជាត្រីថូណា ត្រីឆ្លាម និងត្រីចំពុះដាវ។ អាហារសំខាន់ជាងគេ ស្ត្រីគួរបរិភោគ បន្លែផ្លែឈើ ត្រី សាច់ ទឹកដោះគោ ស៊ុត ពពួកគ្រាប់ធញ្ញជាតិដូចជា ស្រូវសាឡី អង្ករសំរូប អង្ករធម្មតា ពោត និងអាហារផ្សេងទៀតមានវីតាមីន និងប្រូតេអ៊ីន។

៦. ស្ត្រីមានផ្ទៃពោះគួរធ្វើលំហាត់ប្រាណតាមការណែនាំ

ខណៈពេលពពោះទាំង៩ខែ ស្ត្រីជាម្ដាយមិនគួរធ្វើការធ្ងន់ធ្ងរឲ្យអស់កម្លាំងល្ហិតល្ហៃទេ តែត្រូវធ្វើលំហាត់ប្រាណខ្លះៗ តាមរយៈការដើរចុះឡើងៗ បរិភោគអាហារសុខភាព និងសម្រាកឲ្យបានច្រើន។

៧. ដាច់ខាតមិនត្រូវពិបាកចិត្ត ឬស្ត្រេសទេ

ពេលវេលានេះ ម្ដាយគ្រប់រូបត្រូវចៀសឲ្យផុតពីអារម្មណ៍មួម៉ៅក្ដៅក្រហាយ ស្ត្រេស ឬក្ដីបារម្ភនានា ព្រោះក្មេងអាចនឹងទទួលអារម្មណ៍បែបនេះដែរ។ ចំពោះដំបូន្មានរបស់អ្នកជំនាញ សូមឲ្យម្ដាយត្រូវអត់ធ្មត់ខន្តី តាមរយៈការធ្វើសមាធិ ឬបន្តហាត់យូហ្កាបើធ្លាប់ធ្វើ៕

អាហារ​៧​មុខ​ជួយ​កាត់​បន្ថយ​អាការៈ​ឈឺចាប់​ពេល​មក​រដូវ​ ស្រី​ៗ​មិន​គួរ​រំលង

អាការៈឈឺចាប់ពេលមករដូវ ជាអាការៈមួយដែលនារីគ្រប់រូបតែងជួបប្រទះញឹកញាប់ រហូតមានអ្នកខ្លះឈឺចាប់ខ្លាំងដល់ថ្នាក់ធ្វើការងារមិនកើតក៏មាន។ តែដំណោះស្រាយងាយៗអាចជួយកាត់បន្ថយបញ្ហាទាំងនេះបាន គឺអ្នកគួរបរិភោគប្រភេទអាហារទាំងនេះអំឡុងពេលមករដូវ៖

១.ស្លឹកបាស៖ ស្លឹកបាសមានសារធាតុប្រឆាំងអុកស៊ីតកម្មជួយបំបាត់អាការៈឈឺពោះ និងសម្បូរសារធាតុចិញ្ចឹមច្រើនល្អចំពោះសុខភាព។

២.ទឹកតៅហ៊ូ៖ វាមានផ្ទុកសារធាតុអ័រម៉ូនស្ត្រីដែលជួយកាត់បន្ថយអាការៈឈឺពោះបាន។

៣.ត្រកួន៖ ត្រកួនក៏ជួយកាត់បន្ថយការឈឺចាប់បានដូចគ្នា ថែមទាំងជំនួយភ្នែកទៀតផង។

៤.ត្រីសមុទ្រ៖ វាមានប្រយោជន៍ជួយបំបាត់អាការៈរមួលត្រង់បរិវេណផ្ទៃពោះ។

៥.ខាត់ណា៖ សម្បូរសារធាតុចិញ្ចឹម។

៦.ស្ពៃចង្កឹះ, ស្ពៃក្ដោប៖ សម្បូរសារធាតុអ័រម៉ូន ជួយមិនឲ្យឈឺពោះពេលមករដូវ។

៧.យ៉ិនស៊ិន៖ ជាប្រភេទឱសថបូរាណចិនជួយឲ្យឈាមដើរស្រួល និងការពារសម្ពាធសរសៃឈាមដែលធ្វើឲ្យឈឺចាប់។

កាហ្វេ​ក៏អាច​ជួយ​ឲ្យ​សម្រស់​កាន់​តែ​ស្រស់​ស្អាត​បាន​ដែរ​!

ក្រៅពីមានរសជាតិឈ្ងុយឆ្ងាញ់ កាហ្វេអាចមានប្រយោជន៍ជាច្រើនទៀតដែលយើងស្មានមិនដល់ មិនតែប៉ុណ្ណោះវាក៏ជួយឲ្យសម្រស់កាន់តែស្រស់ស្អាតផងដែរ។ តើវាជួយបានដូចម្ដេច?

• កាហ្វេមានសារធាតុប្រឆាំងអុកស៊ីតកម្ម ដែលជួយមិនឲ្យស្បែកចាស់ជាងវ័យដោយសារកម្ដៅថ្ងៃ ផ្សែងពុល និងបំផ្លាញរ៉ាឌីកាល់បង្កការខូចខាតដល់ស្បែក។ អត្ថប្រយោជន៍ពីការប្រឆាំងអុកស៊ីតកម្ម ជួយឲ្យសក់ដុះវែង ភ្លឺរលោង និងមានក្លិនក្រអូបពេលប្រើផលិតផលថែរក្សាសក់ផ្សេងៗ។
• កាហ្វេអាចយកទៅធ្វើជាគ្រឿងខាត់ស្បែកធម្មជាតិឲ្យទន់រលោងបាន និងជួយជម្រះកោសិកាចាស់ៗ។ 
• ដោយសារកាហ្វេមានសារជាតិបញ្ចុះនោមវាជួយច្រោះយកជាតិពុល ជាពិសេសកោសិកាខ្លាញ់ពីក្នុងខ្លួន។
• គុណប្រយោជន៍ពីធម្មជាតិ កាហ្វេអាចជួយបន្សាបស្បែករលាក ឬឡើងក្រហម។
• នៅពេលយើងយកកាហ្វេធ្វើជាម៉ាសធម្មជាតិអប់មុខរបស់យើង វាជំនួយដល់លំហូរឈាម និងធ្វើឲ្យមុខភ្លឺស្រស់ថ្លា។