Daily Archives: October 28, 2014

ទស្សនាទីក្រុងតួចៗទាំង១៣ ដ៏គួរអោយទាក់ទាញបំផុតក្នុងពិភពលោក

ទីក្រុងធំៗពោពេញដោយភាពកខ្វក់ និងបណ្តាលឲមានជម្ងឺជាច្រើន។ ឥឡូវសូមមើលក្រឡេកមើល ទីក្រុងតូចៗ ដែលជាដង្ហើមដ៏ទៀងទាត់របស់ពិភពលោកនឹងធ្វើឲជីវិតអ្នកត្រឡប់ទៅរកកាធ្វើដំណើរកំសាន្តសាជាថ្មី។

១. កូលម៉ា ប្រទេសបារាំង ( Colmar )

កូលម៉ា ត្រូវបានគេហៅថាទីក្រុង Disney Princess ដែលមានសម្រស់ស្រស់ស្អាតក្នុងវ័យ៧ឆ្នាំសំឣាង ទៅដោយ ពន្លឺស៊ីជម្ពូព្រិចៗ។ ផ្ទះមានពន្លឺពណ៏មាស ក្រាលទៅដោយថ្មតាមផ្លូវ និងមានទូកតូចៗរសាត់តាមទឹកឣមទៅ ដោយផ្កាក្រអប់និងរថភ្លើងរត់ជុំវិញទីក្រុង ហើយមានភ្លើងដ៏ភ្លឺចញ្ចាចរាងរាល់យប់ពេញមួយឆ្នាំ។ ឣនុស្សាវរី និងសម្រស់ដ៏ស្រស់ស្អាតនេះហើយ ធ្វើឣោយយើងភ្លេចឣស់សម្បីព្រះម៉ែ Fairy, សូមចុចត្រង់នេះ បើចង់ដឹង ពីព្រឹត្តិការណ៍បន្ថែម

២. ទីក្រុង ស្មួហ្វ ជូសកា នៅប្រទេសអេស្បាញ (Juzcar Smurf Town)

វាជារឿងសំណាងបំផុតដែលដែលឣ្នកផលិតភាពយន្ត Smurf ឣាចបញ្ចុះបញ្ចូលឣោយឣ្នកភូមិ ចូហ្សានៅភាគ ខាងត្បូងប្រទេសឣេស្ពាញលាបថ្មាំផ្ទះរបស់ពួកគេពណ៏ខៀេវ បន្ទាប់មកទីក្រុងទទួលបានការ ចាប់ឣារម្មណ យ៉ាងខ្លាំងពីភ្ងៀវទេសចរ ដូចច្នេះហើយផ្ទះទាំងឣស់នោះមិនត្រូវបានលាបពណ៏ម្តងទៀតទេ។

៣. អាលបឺរូបេលូ នៅប្រទេលអីតាលី (Alberobello)

តើទីក្រុង Gnomes បាត់ទៅហើយមែនទេ? មិនពិតទេ។ គឺវានៅទីនេះទីក្រុង អាលបឺរូបេលូ Alberobello នៅពេល ឃើញវាភ្លាមយើងប្រាកដជាលាន់មាត់ច្រើនម៉ាត់ ព្រោះថាវាស្អាតខ្លាំងណាស់ដែលមានផ្ទះ កំពូលស្រួចព័ន្ធទៅ ដោយដើមឣូលីវដ៏គួរឱ្យស្រឡាញ់៕

៤. ខ្វាខ្វរតូ នៅប្រទេសក្រីនឡែន (Qaqortoq)

សូមស្វាគមន៏ការមកដល់ទីក្រុងនៅប្លុកឡេហ្គោដីបៃតងដែលមានប្រជាជន៣ពាន់នាក់។

៥. បួរាណូ នៅប្រទេសអីតាលី

ទីក្រុងលេងពណ៏របស់ឣ៊ិតាលី ម្ចាស់ផ្ធះត្រូវផ្ញើសំបុត្រទៅរដ្ឋាភិបាលប្រសិនបើពួកគេ ចង់លាប់ពណ៏ផ្ទះរបស់ពួក គេ។ មន្រ្តីនិងឆ្លើយតបឣ្នកវិញជាមួយសៀវភៅពណ៏ដែលត្រូវលាប។ ប្រសិនបើឣ្នកមិនគោរពតាមការណែនាំ នោះឣ្នកនិងត្រូវផាក់ពីនយ័ និងជាប់ទោស។

៦. សុីរាកាវ៉ាកូ នៅប្រទេសជប៉ុន (Shirakawa-go)

សុីរាកាវ៉ាកូ គឺជាទីក្រុងជនបទដ៏ល្បីល្បាញបំផុតរបស់ជប៉ុនដោយសារដំបូលផ្ទះប្រក់ស្បូវរួមជាមួយក្បាច់រចនាស្រដៀង និងដៃសំពះ។ មើលការចុះឣព័នៅពេលព្រឹក ជាមួយនិងពន្លឺចាំងជះផ្ទះជនបទទាំងឡាយ នៅនិទាឃ រដូវ។ ហ្អា….ជីវិតនៅជនបទពិតជាមានក្តីស្រុកខ្លាំងណាស់។

៧. មូនសានតូ នៅប្រទេសព័រទុយហ្គាល់ ( Monsanto)

ទីក្រុងដែលធ្វើផ្ទះនៅលើ នៅក្រោមនិងជុំវិញដុំថ្មធំៗ។ តើម្ចាស់ស្រុកគេកំពុងគិតឣ្វីទៅហ្ន?

៨. ហូយ អាន នៅប្រទេសវៀតណាម (Hoi An)

លឺគេថាទីក្រុងនេះមានគោមច្រើនជាងមនុស្សរស់នៅ។ បរិយាកាសងាយស្រួល ជាមួយនឹងវត្តប្បធម៏ និងប្រវត្ត សាស្រ្តថ្លៃថ្នូ ដែលជាទីក្រុងឣាស៊ីឣាគ្នេដែលឣ្នកមិនឣាចបំភ្លេចបាន ហើយឣ្នកនិងចងចាំវាជានិច្ច។

៩. ហ្គោរេមេ នៅប្រទេសតួកគី (Göreme)

ទេសភាពពណ៏មាសនៅឋានព្រះចន្ទ គឺស្ថិតនៅខាងក្រោយវាំងនននៃទីក្រុងសាមញ្ញរបស់ប្រទេសទួគី ដែលនៅតែប្រកាន់ ខ្ជាប់ ខ្លាំងនៅប្រពៃណីទំនាមទំលាប់ធ្វើស្រែចំការ។ ទីក្រុង ហ្គោរេមេ ដែលមានប្រវត្តិរឿងដែល ប្រហោងភ្នំតូចៗដែលជាផ្ទះ ទេពធីតា ហើយភ្នំតូចខ្ពស់ទាំងនោះត្រូវបានគេចុះធ្វើផ្ទះនិងព្រះវិហារ។

១០. ហ្គីថន នៅប្រទេសហូឡង់ (Giethoorn)

តើកំពុងស្វែងរកទិសដៅធ្វើដំណើរបន្ទាប់ការនើយហត់មែនទេ? ទីក្រុងដ៏មានសុភមង្គលរបស់ ហូឡង់ ដែលគ្មាន ផ្លូវ ប៉ុន្តែវាជាប់បន់ដាក់គ្នាជានិងប្រឡាយ ហើយបង្កើតបានជាផ្ទះកូនកោះតូចៗ។

១១. សុីនខ្វរ ទើរេ នៅប្រទេសអីតាលី (Cinque Terre)

សុីនខ្វរ ទើរេ លាតសន្ឋឹងទីក្រុង៥ដែលកាត់តាមច្រាំងភ្នំដែលនៅដាច់ដោយឡែកពីគ្នា ដែលមើលទៅគួឲចាប់ឣារម្មណ ខ្លាំង ណាស់។ រដ្ឋាភិបាលបានឣភិរក្សសួនឧហ្សានទាំងមួលសំរាប់ធម្មជាតិ វប្បធម៏ និង កេរ្តដំណែលដ៏រុងរឿង។

១២. បីបូរី នៅប្រទេសអង់គ្លេស (Bibury)

ផ្ទះតូចដ៏ល្ឣស្អាតធ្វើឣំពីថ្ម ដែលមើលទៅហាក់បីដូចជាក្នុងសតវត្សទី១៧ និងមានពណ៏ទឹកឃ្មុំជាជួដែលធ្វើយឣោយភូមិនេះ ទទួលបានឈ្មោះថាជាភូមិស្អាតបំផុតនៅក្នុងប្រទេសឣ៊ីងឡែន។

១៣. សុីឌី ប៊ូសេត នៅប្រទេសទុយនេស៊ី (Sidi Bou Said)

ភូមិដែលមានស្រស់ខៀវផងសរផងមានកេរ្តឈ្មោះខ្លាំង ហើយវាប្រៀបបានទៅនិងទីជំរករបស់ដន្រ្តីប៊ូហិមាន។សុីឌី ប៊ូសេត គឺកកកុញទៅដោយភ្ញៀវទេសចរ ហើយវាជាកន្លែងមួយក្នុងចំណោមកន្លែងពិសេសទាំងឡាយ ដែលមិន បាត់បង់ កេរ្តិ៍ឈ្មោះរបស់ខ្លួនទោសបីមានសំលេងរំខានតាមផ្លូវក៏ដោយ៕

ប្រភព: whenonearth

Posted in កម្សាន្ត, ទំព័រដើម

Comments Off on ទស្សនាទីក្រុងតួចៗទាំង១៣ ដ៏គួរអោយទាក់ទាញបំផុតក្នុងពិភពលោក

ប៉ែន ចំរុង បានឡប់ៗម្ដងទៀតក្នុងរឿង “អាចារ្យ៣សាសន៍”

Oct 28

Posted by Davybot

សិល្បករកំពុងមានប្រជាប្រិយភាពផ្នែកសម្ដែង និង ពិធីករ ប៉ែន ចំរុង បាននិយាយថា ពេលនេះលោកបានក្លាយជាមនុស្សឡប់ៗម្ដងទៀតហើយ តាមរយៈរឿង “អាចារ្យ៣សាសន៍” របស់ផលិតកម្ម Rock ដែលបានសម្ពោធចាក់បញ្ចាំងនៅរោងភាពយន្តPlatinum Cineplex កាលពីយប់មិញនេះ។

ប៉ែន ចំរុង និយាយថា៖ “ហ្នឹងហើយ!…បានដើរតួឡប់ៗទៀតហើយខ្ញុំ ព្រោះដូចខានយូរដែរ មិនដឹងយ៉ាងណាយ៉ាងណីទេ តែសង្ឃឹមថា មានទស្សនិកជនគាំទ្រជាមិនខាន”។

តារារូបនេះ ធ្លាប់បានទទួលជោគជ័យលើការសម្ដែងជាតួបែបកំប្លែងឡប់ៗ ក្នុងរឿង”នាយឡប់ជំពប់ស្នេហ៍” របស់ផលិតករ ពាន់ ភូង បុប្ផា និងរឿងមួយចំនួនទៀត នាពេលកន្លងមក។ ដោយភាពប៉ិនប្រសព្វក្នុងការសម្ដែង ធ្វើឲ្យសិល្បករម្នាក់នេះ ទទួលបានពានរង្វាន់ជាតារាសម្ដែងឆ្នើមប្រចាំឆ្នាំ និងពានប្រជាប្រិយប្រចាំពីកម្មវិធី”អាណាចក្រតារា” ទៀតផង។ ទោះបីជាយ៉ាងណា ចំរុង បានចាត់ទុកថា ជាការចាប់ផ្ដើមថ្មី ក្នុងនាមជាតួសម្ដែងបែបឡប់ៗដូច្នេះ។

“ទោះបីជាយ៉ាងណា ខ្ញុំមានអារម្មណ៍ថា សប្បាយរីករាយក្នុងការសម្ដែង ព្រោះហាក់ដូចជាស្ទាត់ជំនាញសម្ដែងបែបឡប់ៗហ្នឹងទៅហើយដែរ”។ មានការកត់សម្គាល់ថា កាយវិការក្រមិចក្រមើមក្នុងនាមជាតួអាចារ្យក្មេងរបស់ ប៉ែន ចំរុង បានធ្វើឲ្យទស្សនិកជនមិនអាចទប់សំណើចបានតាំងពីដើមរហូតដល់ចប់។

ប្រការនេះធ្វើឲ្យ លោក លី ម៉េង ជំនួយការនាយកផលិតកម្ម Rock បានបង្ហាញសុទិដ្ឋិនិយមថា ភាពយន្តថ្មីនេះ អាចច្បាមបានអ្នកគាំទ្រមិនខាន។ លោកបន្តថា ទោះបីជា Rockមានការផលិត សម្ពោធបញ្ចាំងជាញឹកញាប់យ៉ាងណាក្ដី ប៉ុន្តែលោកបានគិតគូរពីគុណភាពជាចម្បង ជាក់ស្ដែងរឿង” អាចារ្យ៣សាសន៍” ជាដើម។

ជាមួយគ្នានោះ លោកបានបន្តឲ្យដឹងថា ផលិតកម្មកំពុងមានគម្រោងបោះទុនធំក្នុងចំនួនទឹកប្រាក់ជាច្រើន ដើម្បីផលិតរឿងស្តង់ដារអន្តរជាតិមួយ សម្រាប់ចាក់បញ្ចាំងក្នុងស្រុក និងនាំទៅកាន់ប្រទេសនានា។ ចំពោះរឿង “អាចារ្យ៣សាសន៍” នឹងត្រូវចាក់បញ្ចាំងជាផ្លូវការចាប់ពីថ្ងៃ៤ ខែវិច្ឆិកា ២០១៤ តទៅនៅរោងភាពយន្ត Platinum Cineplex ផ្សារទំនើបសុរិយាជាន់ទី៥ និង Major Cineplex by Cellcard ផ្សារទំនើបAEON។

ក្រៅពីនេះរឿង”អាចារ្យ៣សាសន៍” ក៏នឹងចាក់បញ្ចាំងនៅរោងភាពយន្ត Legend ទាំង៣សាខា និងរោងភាពយន្តបារាយណ៍អណ្ដែត ខេត្តសៀមរាបផងដែរ។