វិជ្ជាធ្វើម្ហូប ៖ ឆាគ្រឿងត្រីអណ្ដែង ដែលមានរសជាតិឈ្ងុយឆ្ងាញ់

ខាងក្រោមនេះ គឺជាមុខម្ហូបឆាគ្រឿងត្រីអណ្ដែង ដែលលោកអ្នកអាចសាកល្បងធ្វើញុំានៅពេលចុងសប្ដាហ៍ ឬពេលណាមួយបាន។

+គ្រឿងផ្សំ

ត្រីអណ្តែងកាត់ជាកង់ៗ ៥00ក្រាម, ទឹកធម្មតា ១កែវ, រំដេងហាន់សាប់ស្តើងៗ ២ស្លាបព្រាបាយ, ម្ទេសដៃនាងហាន់បញ្ឆិតៗ ១-២គ្រាប់, ស្លឹកម្រះព្រៅ ១វែក, ស្ករត្នោត ១ស្លាបព្រាកាហ្វេ, ប៊ីចេង ១ស្លាបព្រាកាហ្វេ, អំបិលបន្តិបន្តួច, ប្រេងឆា ២ស្លាបព្រាបាយ។

+គ្រឿងផ្សំ គ្រឿងឆា

ម្ទេសក្រៀម ១ស្លាបព្រាបាយ, រំដេងហាន់ ១ស្លាបព្រាបាយ, គល់ស្លឹកគ្រៃហាន់ ១ស្លាបព្រាបាយ, សំបកក្រូចសើច ១ចំហៀងផ្លែ, ខ្ទឹមស ១ស្លាបព្រាបាយ, ម្រេចគ្រាប់ ១ស្លាបព្រាបាយ, ល្មៀតហាន់ ២ស្លាបព្រាកាហ្វេ, កាពិ ១ស្លាបព្រាកាហ្វេ, អំបិល ១-២ស្លាបព្រាកាហ្វេ។

+របៀបធ្វើ:

យកគ្រឿងផ្សំគ្រឿងឆាទាំងអស់មកបុកឲម៉ដ្ធ រួចដាក់ឆាឲឈ្ងុយ ទើបដាក់ត្រីអណ្តែងចូល ឆាជាមួយគ្រឿងផ្សំនោះ ត្រឡប់ចុះឡើងមួយសន្ទុះ សឹមដាក់ទឹកចូល បើកភ្លើងឲខ្លាំង។ បន្ថែមរសជាតិដោយដាក់អំបិល ស្ករត្នោត ប៊ីចេង ឬម្សៅស៊ុប ភ្លក្សមើលឲល្មម។
នៅពេលត្រីអណ្តែងឆ្អិនល្អហើយ ទើបដាក់រំដេងហាន់ ស្លឹកម្រះព្រៅ និងម្ទេសដៃនាងហាន់ ចូលទៅរួចដួសយកមកទទួលទានទាន់នៅក្តៅៗ