Daily Archives: October 12, 2014
Meizu Mx4 គូប្រជែងiPhone 6 នឹងឈានជើងចូលទឹកដីម៉ាឡេស៊ីចុងខែនេះ
Meizu MX4ដែលជាផលិតផលរបស់ក្រុមហ៊ុនចិន និងមានរាងស្រដៀងiPhone 6កំពុងតែទាក់ទាញចំណាប់អារម្មណ៍អ្នកប្រើប្រាស់ជាច្រើនជាពិសេសនៅចិន និងឥណ្ឌា ហើយថ្មីនេះឮថាMeizu MX4 គ្រោងនឹងឈានជើងចូលទឹកដីប្រទេសម៉ាឡេស៊ីនៅចុងខែនេះទៀត។
នាយកប្រតិបត្តិក្រុមហ៊ុន Meizu លោក Bai Yongxian បានឲ្យដឹងថាមកទល់ពេលនេះMeizu MX4 ទទួលបានការកុម្ម៉ង់រហូតដល់ទៅ ៧,៧ លានគ្រឿងឯណោះ។
Meizu MX4 ជាSmartphone ដំបូងគេដែលបំពាក់ដោយ Chip ប្រភេទ OctaCore Mediatek MT6595 របស់ក្រុមហ៊ុនMediatek។ វាមានអេក្រង់ទំហំ ៥,៣៦អ៊ីញ (Resolution 1152 x 1920 pixels ), កាមេរ៉ាក្រោយទំហំ20.7 MP ដែលប្រើបច្ចេកវិទ្យារបស់ក្រុម Sony និងកាមេរ៉ាមុខ2MP។ ចំណែកឯMemory ម៉ាស៊ីនរបស់ MX4 ទំហំ 16/32/64 GB និងមានRAM ទំហំ 2 GB, ប្រព័ន្ធប្រតិបត្តិការAndroid v4.4.4 (KitKat) និងមានថាមពលថ្ម3100 mAh(មីលីអំពែម៉ោង)។
ចំពោះ Meizu MX4 (Memory ទំហំ 16GB) លក់ក្នុងតម្លៃ ៤៥០ដុល្លារ និងម៉ូដែល MX4 មានMemory ទំហំ 32GB លក់ក្នុងតម្លៃ ៤៩០ដុល្លារ៕
ប្រភព៖ gsmarena
ទម្លាយមូលហេតុនាំឲ្យ Luhan ឆ្អែតចិត្ត សុំដើរចេញពី SM និងក្រុម EXO
បន្ទាប់ពីតារាចម្រៀងសញ្ជាតិចិន Luhan បានដាក់ពាក្យបណ្ដឹងសុំបញ្ចប់កុងត្រាជាមួយផលិតកម្ម SM និងដើរចេញពីក្រុម EXO កាលពីម្សិលមិញនេះ គេបានរកឃើញមូលហេតុជាច្រើនតាមរយៈរបស់ប្រភពផ្សេងៗ។
បើតាម មិត្តភ័ក្ដិជិតស្និទ្ធម្នាក់របស់ Luhan បាននិយាយប្រាប់សារព័ត៌មានចិន Sina ថា ថ្មីៗនេះ Luhan មានបញ្ហាសុខភាពច្រើនដោយសារការធ្វើដំណើរចុះឡើងច្រើន និងការគេងមិនគ្រប់គ្រាន់ រហូតឥលូវនេះគេមិនអាចចូលរួមការប្រគំតន្ត្រីជាមួយក្រុម EXO បាន នឹងត្រូវទទួលការថែទាំពីគ្រួសាររបស់គេនៅទីក្រុងប៉េកាំង។
មិត្តម្នាក់នេះបាននិយាយទៀតថា “ដោយសារទៅប្រទេសកូរ៉េយូរពេក Luhan មិនសូវមានពេលជាមួយឪពុកម្ដាយរបស់គេទេ។ ផលិតកម្មរបស់គេមានវិន័យតឹងណាស់ចំពោះរឿងវិស្សមកាល ហើយសូម្បីតែពេលដែលគេគ្មានការងារ ក៏មិនអាចសុំច្បាប់ទៅផ្ទះបានដែរ។ ក្រោយបានទៅលេងផ្ទះលើកចុងក្រោយ ខ្ញុំគិតថាគេចង់នៅទីនោះដើម្បីចំណាយពេលជាមួយគ្រួសាររបស់គេ ពិសេសចាស់ៗ”។
ចំណែកសារព័ត៌មានកូរ៉េ បានទទួលសេចក្ដីថ្លែងការណ៍មួយពីអ្នកនាំពាក្យរបស់ Luhan ដែលបានបញ្ជាក់ថាហេតុផលសំខាន់មួយនៅពីក្រោយការដាក់ពាក្យបណ្ដឹងនេះ គឺដោយសារការរើសអើង និងការទទួលបានខុសគ្នា រវាងក្រុម EXO-M និង EXO-K។
ក្នុងនោះអ្នកនាំពាក្យបាននិយាយថា “មានការដាក់វិន័យតឹងរ៉ឹងច្រើនចំពោះជីវិតឯកជនរបស់ពួកគេ ហើយ EXO-K និង EXO-M មិនទទួលបានស្មើគ្នាឡើយនៅពេលសុំច្បាប់សម្រាប់វិស្សមកាល។ ក្រោយពីបានចុះកិច្ចសន្យាកាលពីខែឧសភា ឆ្នាំ២០១០រួចមក ពួកគេបានឆ្លងកាត់ការហ្វឹកហាត់ដ៏លំបាក គឺរយៈពេលជាមធ្យម ១០ម៉ោងក្នុងមួយថ្ងៃ រហូតដល់ខែមេសា ឆ្នាំ២០១២ទើបបានចេញបទចម្រៀង ហើយក្នុងអំឡុងពេលហ្វឹកហាត់នេះពួកគេមិនបានទទួលប្រាក់ឧបត្ថម្ភអ្វីបន្តិចឡើយ។
ប្រភពនេះបានបញ្ជាក់ទៀតថា ដោយសារភាពតានតឹងដោយសារការហ្វឹកហាត់នេះ Luhan បានជួបប្រទះបញ្ហាសុខភាពជាច្រើន ហើយបន្ទាប់ពី EXO ចាប់ផ្ដើមចេញបទចម្រៀង សមាជិកនីមួយៗក៏លែងមានសេរីភាពសម្រាប់សកម្មភាពផ្ទាល់ខ្លួន ហើយអ្នកគ្រប់គ្រងតែងឃ្លាំមើលពួកគេជានិច្ច ដោយបានដាក់វិន័យយ៉ាងតឹងរ៉ឹងចំពោះគ្រប់សកម្មភាពរបស់ពួកគេ”។
ដោយឡែកសេចក្ដីថ្លែងការណ៍របស់ផលិតកម្ម SM Entertainment វិញបានបង្ហាញថា ពួកគេពិតជាភ្ញាក់ផ្អើលណាស់ នៅពេលបានឮពីពាក្យបណ្ដឹងនេះ។ ដោយរឿងក្ដីរបស់ Luhan ស្រដៀងគ្នានឹង Kris ផលិតកម្មគិតថា បន្ទាប់ពីទទួលបានកេរ្តិ៍ឈ្មោះល្បីតាមរយៈក្រុម EXO ឥលូវនេះគេបែរជាគិតពីផលប្រយោជន៍ផ្ទាល់ខ្លួន ដោយមិនយល់ពីការប៉ះពាល់ដល់អ្នកជុំវិញខ្លួនដោយសារការបញ្ចប់កុងត្រានេះឡើយ ហើយពួកគេសង្ស័យថាមានភាគីទី៣ដ៏មានឥទ្ធិពលមួយ ដែលចាំជំរុញឲ្យពួកគេចេញពីផលិតកម្មបន្តគ្នាបែបនេះ ៕
ចុះប្រិយមិត្តមានយោបល់យ៉ាងណាដែរចំពោះការចាកចេញរបស់ Luhan?
ប្រភព៖ soompi
ឈុតរ៉ូបខ្លីៗ សាមញ្ញតែថ្លៃថ្នូរពីផាណែត
ទោះបីជាត្រូវតែដើរឲ្យទាន់សម័យកាល Fashion សំលៀកបំពាក់រ៉ូបម៉ូដវែងៗស្រស់ស្អាតឡូយយ៉ាងណាក៏ដោយ នៅតែចាញ់រ៉ូបខ្លីៗសាមញ្ញបន្តិចតែថ្លៃថ្នូរមិនស្មុគស្មាញច្រើន។
តួស្រីក្នុងរឿង” សន្យាស្នេហ៍” មឿន ផាណែត បានចូលខ្លួនបង្ហាញពីចំណាប់អារម្មណ៍ក្នុងការស្លៀកពាក់ និងតុបតែងខ្លួនចូលកម្មវិធីផ្សេងៗជាដើម។ ជាជម្រើសដ៏ល្អសម្រាប់នាង គឺនាងចូលចិត្តពាក់រ៉ូបខ្លីៗ សាមញ្ញតែមើលទៅថ្លៃថ្នូរ មិនរញ៉េរញ៉ៃបន្ថែម និងគ្រឿងអលង្ការបន្តិចបន្តួចទៀតទៅឡូយតែម្ដង។
ដូច្នេះព្រឹកនេះ Sabay Style សូមបង្ហាញម៉ូដជាច្រើនដែលបង្ហាញដោយផាណែត៖
បើមានចំណាប់អារម្មណ៍ម៉ូដដូចកញ្ញា ផាណែត បង្ហាញខាងលើ អាចរកបាននៅ Leise Fashion Shop នៅជិតផ្សារទូលទំពូង ដោយអាចទំនាក់ទងតាមទូរស័ព្ទ 010 738 648 ឬចូលទៅកាន់ Page របស់ Leise Fashion Shop៕
You must be logged in to post a comment.