ស្រីស្អាតកម្ពុជាយើងនាំមុខដាច់ប៉ិតសង្ឃឹមឈ្នះ ៩៨% ហើយ!!!
កញ្ញា នូ ទឹមស្រីនៀត ដែលបានតំណាងកម្ពុជាទៅចូលរួមប្រកួតសម្រស់ជាមួយស្រីស្អាតមកពីទូទាំងពិភពលោកក្នុងកម្មវិធី Miss Grand International នៅប្រទេសថៃនោះ ឥឡូវនេះ ៩៨% ហើយ សង្ឃឹមថានឹងឈ្នះជយលាភីផ្នែកប្រជាប្រិយពីកម្មវិធី។ នេះ លោក ប៊ុន កើដ អគ្គនាយកក្រុមហ៊ុន BKA Entertainment ។
កញ្ញា នូ ទឹមស្រីនៀត យុវនារីខ្មែរមកពីខេត្តកណ្ដាល ទទួលបានការបោះឆ្នោតគាំទ្រចំនួន ២៥.៩៤% គិតត្រឹមម៉ោង ១០ព្រឹកថ្ងៃទី ០៥ តុលា ២០១៤។ តួលេខនេះ ដាច់ឆ្ងាយមែនទែនពីបេក្ខនារីមកពីប្រទេសផ្សេងៗទៀត ដែលមិនមាននរណាបានដល់ខ្ទប់ ១០%ផង ខណៈការបោះឆ្នោតនៅសល់តែ២ថ្ងៃទៀតនោះ។
លោក ប៊ុន កើដ អ្នកផ្ដួចផ្ដើមគំនិតបញ្ជូនកញ្ញា ស្រីនៀត ទៅចូលរួមប្រកួតក្នុងកម្មវិធីខាងលើ ថ្លែងថាលោក ភ្ញាក់ផ្អើលមែន។ “ខ្ញុំបានទាក់ទងទៅសួរគេ ថាហេតុអ្វីបាន ស្រីនៀត ទទួលបានការគាំទ្រខ្លាំងម្ល៉េះ គេប្រាប់ថា មិនមានតែខ្មែរយើងទេដែលបោះឆ្នោតគាំទ្រ ស្រីនៀត គឺមានមនុស្សមកពីជុំវិញពិភពលោកបានចូលរួមបោះឆ្នោតគាំទ្រឲ្យនាង។ អស្ចារ្យមែនទែន ៩៧%-៩៨% ហើយយើងសង្ឃឹមឈ្នះ”។
លោក ប៊ុន កើដ បន្ថែមទៀតថា ការបោះឆ្នោតសល់តែ២ថ្ងៃទៀតទេ តាមមើលជយលាភីផ្នែកប្រជាប្រិយរបស់កម្មវិធី Miss Grand International រត់មិនរួចពីដៃកញ្ញា ស្រីនៀត ឡើយ។ យ៉ាងណាលោក ស្នើឲ្យប្រិយមិត្តចូលរួមបោះឆ្នោតគាំទ្រ យុវនារីយើងបន្តទៀត ដើម្បីធានាដល់ជយលាភីរបស់យើង។
បោះឆ្នោត គាំទ្រស្រីស្អាតរបស់យើង សូមចុចទីនេះ…!!!
អត្ថបទ៖ Sabaylooking
Posted on October 6, 2014, in កម្សាន្ត, ទំព័រដើម. Bookmark the permalink. Comments Off on ស្រីស្អាតកម្ពុជាយើងនាំមុខដាច់ប៉ិតសង្ឃឹមឈ្នះ ៩៨% ហើយ!!!.
You must be logged in to post a comment.